Baionako suprefeturan lan erreformaren aurkako protesten baitan izan diren atxiloketetan polizia batek Txetx Etcheverry Biziko kidea «nahita» jo duela adierazi dute hainbat lekuko. Etcheverryk berak poliziaren esku zen bitartean tratu txarrak jasan dituela salatu du eta sendagile batek kolpeak ziurtatu ditu, Kazetak argitaratu duenez.

Etcheverryk eta berarekin batera atxilotu dituzten lau lagunek salatu dutenez, «lurrean, eskuburdinak jarririk zituela, polizia batek makilarekin bizkarrean eta hanketan jo dute». Era berean ostikada bat eman diotela adierazi du.

Oihuak eta berataz «aspertuak» zeudela esan diotela gaineratu du. Tratu txar hauen aurka neurririk hartuko duen ez duela erabaki azpimarratu du.