@iraiaoiarzabal
Usurbil

Kalera Kalera ekimena abiatu dute: «Ez gara etxean geratuko»

Preso ohien ekimenez Kalera Kalera mobilizazio zikloa abiatu dute Usurbilen gaurtik eta urtarrilaren 8ra bitartean. Presoen auzia jendarteratzea eta gatazkaren ondorioen inguruko eztabaida mahai gainean jartzea izango ditu helburu.

Usurbilen egindako ekitaldia. Andoni CANELLADA | ARGAZKI PRESS
Usurbilen egindako ekitaldia. Andoni CANELLADA | ARGAZKI PRESS

Hamarnaka preso ohi eta herritar elkartu dira Usurbilgo plazan Kalera Kalera ekimenari hasiera emateko. Bertan egongo da kokatua gune zentrala, plazan jarritako karpa batean, eta bertan egingo du lo egunero preso ohiek osatutako talde batek.

Gaurko ekitaldian Maitane Sagastume eta Juanjo Legorburu preso ohiek azaldu dutenez, «euskal preso, iheslari eta deportatu politikoen aldeko konpromiso, elkartasun eta borroka gunea» izango da Usurbilgoa. Ekimena Euskal Herri osora zabalduko dute gainera, herri ezberdinetan izango diren mobilizazioekin. Horrez gain, eragile ezberdinekin biltzeko asmoa dute. Aipatu dutenez, EPPK-k abiatzear daukan eztabaida sozializatzeko esparrua izan nahi du, eta horrekin batera, gatazkaren ondorioen konponbidearen arloko behar politiko eta humanoen inguruko mobilizazioa sustatzea hu helburu».