Xabier Aranburu Sagarminaga ondarroarra atzo espainiaratu zuten eta hasieran Donostiara eta ondoren Madrilera eraman zuten.
Ondarroarrak Estatu frantsesean ezarri zioten sei urteko espetxe zigorra apirilaren 17an bete zuen arren, euroagindu bat zuen eta entregatu egin zuten. Gaur goizean eraman dute Auzitegi Nazional espainolera eta fiskalak espetxeratzeko eskatu duen arren, Eloy Velasco epaileak 12.000 euroko fidantza ezarri dio askatasuna berreskuratu ahal izateko.
Fidantza ordainduta, aske geratu da ondarroarra eta Euskal Herrira bidean jarri da bere senideekin.
Landetan atxilotua 2012an
Xabier Aranburu 2012ko maiatzaren 28an atxilotu zuten Landetan, Mont-de-Marsan hirian, Oroitz Gurrutxaga oreretarrarekin batera, ETAko kide izatea leporatuta. Biak espetxeratu egin zituzten eta orduz geroztik hainbat kartzelatan izan dute.
Tortura jasan eta ozen salatu zuen Susana Atxaerandio gasteiztarra zendu da
Esteban se arrepiente de haber ridiculizado el caso de Getxo pero el PNV sigue minimizándolo
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
