Angela Merkel Alemaniako kantzilerrak egin die harrera G20 taldeko herrialdeetako Gobernu eta Estatu buruei Hanburgoko portuko feriagunean. «Nazioarteko terrorismoa» dute aztergai lehen bileran, eta horren ondoren merkatu librea eta aldaketa klimatikoa jorratuko dituzte bi egunetan.
Goi-bilerako saioekin batera, ikusmin handia sortu duen bilera izango da Hanburgon: Donald Trump eta Vladimir Putin AEB eta Errusiako presidenteen artekoa, hain zuzen ere.
19.000 polizia
G20aren gailurra segurtasun neurri handiekin egiten ari dira eta nazioarteko buruzagiak bilduko diren tokia erabat inguratu dute, inor ez hurbiltzeko. 19.000 polizia baino gehiago zabaldu dituzte hiri osoan Alemaniako agintariek.
Gailurra hasi baino ordu asko lehenago protesta ugari izan dira. Bart istiluak izan dira manifestari eta Poliziaren artean, eta honek emandako datuen arabera 44 lagun atxilotu dituzte gaur gauean eta 111 polizia zauritu dira istiluetan. Antolatzaileen arabera, 12.000 lagun inguruk parte hartu zuten atzoko manifestazioetan eta polizia indarrek bi mila pertsona inguru identifikatu zituzten
Gaur goizean protesta gehiago izan dira eta hainbat tokitan autoak erre dituzte manifestariek. Ehunka pertsona gailurra egiten ari diren eremuan blokeatzen saiatu dira baina Poliziak ur kainoiak erabili ditu sakabanatzeko.
Los procesos de selección de personal en el sector público foral de Bizkaia, en entredicho
Puede que Josu Jon Imaz no sea de Vox, pero Abascal sí es de Repsol
Las futbolistas palestinas meten todo un gol a Israel
