Preso eta iheslarien senide eta lagunei asistentzia, aholkularitza eta laguntza eskaintzeaz gain, berriki bere gain hartu dituen presoen asistentzia juridikoa eta osasun asistentzia bermatu ahal izateko behar duen finantziazioa lortzera bideratutako ekimena aurkeztu du Etxerat elkarteak Hernanin.
Etxerateko eledun diren Urtzi Errazkin eta Patrizia Velezek eskaini dute agerraldia, elkarteko presidente den Fermina Villanuevarekin batera, ekimen berri honen inguruko xehetasunak emateko.
Kinkearen lehenbiziko promozioan Zigor Merodio artistak ekoitzitako ‘Erraldoia’ litografiaren 20.000 ale salduko dira, urtarrilaren 1etik martxoaren 20ra.
Etxeratek abian jarriko duen promozio honen baitan, 25 euroren truke litografia erosten duen bakoitzak, zozketa baten parte hartzeko boleto bat jasoko du. Zozketa hori Andoaingo notarioaren aurrean egingo da martxoaren 21ean, aplikazio informatiko baten bitartez, banatutako boleto guztiak zozketa horretan sartuta.
20.000 euroko sari bat, 5.000ko 3 sari, 1.000 euroko 15 sari, 500eko 20 sari eta 100 euroko 100 sari zozketatuko dira guztira.
2018. urtean zehar lau promozio egiteko asmoa du Etxerat Elkarteak.
Sustapen-helburua duten ausazko konbinazioak antolatzeko Lakuako Gobernuaren Joko eta Ikuskizunetarako Zuzendaritzak agindutako oinarri arautzailearekin bat dator egitasmoa, Etxeratek zehaztu duenez.
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
Euskal Estatuaren oinarriak jartzeari ekin dio Sortuk, egitekoa eta zuzendaritza eraberrituz
Esteban se arrepiente de haber ridiculizado el caso de Getxo pero el PNV sigue minimizándolo
