Goizean goizetik gerturatu da jendea Donibane Garazira, lehen aldiz, Aberri Egunaren harira, elkarteen azoka antolatu baitute, «Euskal Herri burujabea aniztasunetik eraikiko dela aldarrikatzeko». Bertatik abiatu da manifestazioa ere.
Jendea metatzen ari elkarteen azokan. Herria eraiki, herriek erabaki. #AberriEguna Donibane Garazin. @EHBai @Aitzinagazte pic.twitter.com/l6ugK9NcLy
— Maite Ubiria (@Maite_Ubiria) 1 de abril de 2018
‘Herriek eraiki. Herriek erabaki’ lelopean egin da EH Bai eta Aitzinak deitutako manifestazioa Nafarroa Behereko hiriburuan. Bidean, besteak beste, euskal preso politikoen argazkiak eskegi dituzte.
Jordi Gaseni Amettla de Mar-eko alkateak hartu du hitza amaierako ekitaldian. Espainiarra estatu «diktatoriala» dela esan du, eta honek Kataluniako herriaren aurka erabili duen errepresioa salatu du. Zentzu horretan, Kataluniak bere errepublika askea eraikiko duela berretsi du.
Manifestazioaren deitzaileek, bestalde, armagabetzea izan dute aipagai amaierako ekitaldian, baita presoen hurbilketaren afera ere. Ororen gainetik, baina, «amesten dugun» Euskal Herria eraikitzen jarraitzeko deia luzatu dute.
Armagabetzea aipagai, presoen lehenengo hurbilketak ere... eta oroz gainetik amesten dugun Euskal Herria eraikitzen jarraitzeko mobilizatzeko deia ekitaldiaren amaieran. #AberriEguna pic.twitter.com/MIwfRu0g00
— Maite Ubiria (@Maite_Ubiria) 1 de abril de 2018
EH Bildu Gasteiz censura el uso de 2 millones de euros públicos en beneficio de El Corte Inglés
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
Jon Sarasua: «Marko ideologiko jakina dago txapelketan, eta pobrea»
