Bertsomovieda lehiaketaren zazpigarren edizioak baditu irabazleak. Atzo iluntzean banatu zituzten sariak Igartzako jauregian eta helduen mailako sari nagusia eta publikoaren saria Portugaletera joan dira.
Marruka-ren, Portugaleteko proiektu komunikatibo herrikoiaren, ‘Emakume Meatzariak’ lanak jaso ditun aipatutako bi sariak. Historiak irentsitako emakume meatzarien ekarpena argitara eramateko saiakera da ikus-entzunezko lana. Bi sariekin eskuratutako 1.500 euroak proiektuarekin aurrera jarraitu ahal izateko azpiegitura erosteko erabiliko dituzte, aurreratu bezala.
Beasaingo Arrano kultur elkarteak antolatu eta Orkli kooperatibak eta Beasaingo Udalak laguntzen duen bertsoz eta irudiz osatutako lehiaketa da Bertsomovieda eta aurtengoan hamar lan aurkeztu dituzte, helduetan lau lan eta gaztetxoetan sei. Gaztetxoen atalean, Lesakako Bertso-eskolako gazteek egindako ’Berdin Eskubideetan’ lanak eraman du sari nagusia. Bertsorik onenen saria ostera, Txakur Gorria taldearen ‘Dastatu’ lanak eraman du.
Lan irabazleak eta lehiaketara aurkeztutako lanak joan den astean egindako erreportajean daude ikusgai.
La adicción a la pregabalina no para de crecer en los márgenes
Dos años de prisión para el jefe de operaciones de la Ertzaintza en Durango por corrupción
Expectación tras hallarse un planeta similar en tamaño y órbita a la Tierra
Desconocidos roban la ikurriña de Ayuntamiento de Ondarroa y realizan pintadas
