Euskara batuaren 50. urteurrena baliatuz, XVII. Biltzarra egingo du Euskaltzaindiak Arantzazun, Akademiaren mendeurreneko ekitaldietan bigarrena –bederatzi izango dira guztira–. Biltzarra Arantzazuko Gandiaga Topaketa eta Batzarretarako Zentroan egingo da hiru egunez –urriaren 4, 5 eta 6an– eta 50 aditu bilduko ditu, euskararen indarguneak eta ahuleziak identifikatu eta etorkizuneko erronkak aztertzen ahalegintzeko.
Andres Urrutia euskaltzainburuak prentsaurrekoan adierazi duenez «berezia» izango da Arantzazuko biltzarra, eta azpimarratu du euskalgintzako eragile nagusiak izango direla bertan: «Mugarri bat izatea nahiko genuke, euskara bultzatzeko beste aukera bat, eta horretarako gonbidatu ditugu euskalgintzako eragile garrantzitsuenak».
Akademiak «euskararen etorkizuna» du helburu Urrutiaren arabera, eta gaineratu du hori gogoratzera joango direla Arantzazura: «Batuaren 50. urteurrenean, gogotsu eta indartsu gaudela erakutsi nahi dugu, euskal gizartearekin batera eta euskal gizartearentzat lan egiteko gogoz».
Euskaltzaindiaren XVII. Biltzarrean parte hartzeko izen ematea zabalik dago urriaren 1a bitarte. Horretarako, info@euskaltzaindia.eus helbidera idatzi beharko da, edota ondorengo zenbakietara deitu: +34 943 42 80 50 / +34 944 158 155 / +33 (0) 559 25 64 26).
Sarrera dohainik izango da eta aldibereko itzulpen zerbitzua eskainiko da. Era berean, jardunaldi guztiak zuzenean eskainiko dira streaming bidez Euskaltzaindiaren Youtubeko atarian.
Josu Urrutikoetxea recibe amenazas en Angelu con un lema de la Guardia Civil
Medios árabes dan por segura la destitución de Imanol Alguacil en el Al-Shabab
Cisma en el Alarde: dimite el general por la reacción machista a la denuncia de la cantinera
Dimite la alcaldesa de Santurtzi «para no perjudicar la imagen del PNV»
