Euskaltzaindiak eta GARAk lankidetza ezarri dute, euskararen akademiaren mendeurrenaren ekintzak babesteko. Irail honetan hasi eta 2019ko urria bitartean eginen da mendeurrena, hiru xede nagusirekin: Euskaltzaindiak egin duen lana jendarteari azaltzea eta balioestea; etorkizunerako dituen asmoak eta ildo estrategikoak plazaratzea; eta «gizarte zibiletik euskararen biziberritzeari bultzada berri bat ematea» datozen bi hamarkadetan.

Andres Urrutia euskaltzainburuak eta Iñaki Soto GARAko zuzendariak hitzarmena sinatu zuten atzo, harreman historikoetan sakondu eta mendeurrena bultzatzeko asmoz.

Mendeurren hau eta beste zenbait direla medio, euskararentzat urte borobila da hau. Adibidez, euskara batuaren 50. urteurrenari buruzko artikulu sorta argitaratu du GARAk joan den astean [ikusi naiz.eus-en].