Beranduago argitu eta beranduago ilunduko du bihartik aitzinera, eta ordubete gutxiago izanen dugu lotarako edo parrandarako, goizeko ordu bietan hirurak izanen baitira. Hala gertatuko da Europa osoan: udako ordutegia ezarriko da.

Berez jada aldaketarik ez egitea erabaki zuen Europako Batzordeak iaz, baina adostasunik lortu ez denez, Europako Parlamentuak 2021ra arte luzatu du neurria. Parlamentuak Europar Batasuneko estatuei eskatu die 2021etik aurrera ordua gehiago ez aldatzea eta bakoitzak udako edo neguko ordutegia nahiago duen aukeratzea.