Astelehean hasi zen zabaltzen Intxaurrondoko Pedro Gomez Nieto eta Cesid-eko Juan Alberto Peroteren arteko elkarrizketaren grabaketa eta bertan aipamen oso zehatza egiten zaie Joxean Lasa eta Joxi Zabalari, tiro banaz erahil zituztela, beren hilobiak eginarazi ondoren. Beren herrian, Tolosan, oihartzun berezia izan du grabaketak, beraz, eta larunbat honetan ehunka lagun atera da kalera, hori salatzera.
Bi gazteen argazkiak mobilizazioaren buruan zirela, bi lerrotan banatuta kalez kale ibili dira partehartzaileak, Sortuk eginiko deialdiarekin bat eginez. Pankartan, aitortza eta ereparazioarekin batera ez-errepikatzeko bermeak eskagai ziren.
Lasa eta Zabalarekin batera Euskal Herrian tortura jasan duten guztiak gogoan hartu dituzte manifestariek. Zenbaki bat erakutsi dute, kartelen bitartez: 5.657, hauxe baita Euskal Memoria Fundazioak egiaztatua duen torturaren biktimen kopurua (horietariko gehienak Paco Etxeberriaren taldeak egin eta Lakuako Gobernuak egiaztatutako txostenean agertzen dira).
Sorturen Gipuzkoako arduradun politiko den Haimar Altunak, grabaketa honen aurrean gobernariek entzungor jokatu dutela nabarmendu du. Eta galdera zuzena luzatu die Iñigo Urkullu eta Maria Chivite lehendakariei, Idoia Mendia EAEko lehendakariorde eta PSEko agintari nagusiari, edota Gobernu espainoleko ordezkari den Denis Itxasori: «Ez ote dute ezer esaterik?».
Ehunka lagunek salatu dugu Tolosan, aste honetan entzun ditugun audioek #tortura Euskal Herrian sistematikoa izan dela demostratzen dutela.
— SORTU #LehenikHerria #PrimeroLaGente (@sortuEH) February 27, 2021
Ez al dute ezer esateko horri buruz @iurkullu @IdoiaMendia @DenisItxaso eta @mavichina ? Ez al dute ezer egiteko asmorik?#5657torturatu pic.twitter.com/Y4REN1GU1f
Iruñea está llena de dragones diminutos
El PNV evita a Otxandiano: «Estamos centrados en conformar el mejor Gobierno»
Conejos, gallinas y una vida condensada en unas bolsas de plástico
Nafarroako Erdialdearen barneko bideo zirraragarria, Tafallako jaia iragartzeko
