Aroztegia...eta gero zer? plataformak eta Baztango Gazte Asanbladak Lekarozen elkarretaratzea egin zuten asteazken honetan. ‘Herritarren hitza errespetatu. Aroztegia gelditu’ lelopean elkartu dira lagun ugari.
Tex enpresak Aroztegiako obrak hasi dituela salatzeko bildu ziren. «Lekaroztarrak eta Baztandarrak behin ta berriz agertu dira proiektuaren kontra. Baztango Batzar Nagusia eta Udala ere bai», ekarri zuten gogora. Golf zelaia, hotela eta 228 etxebizitza eraikitzea aurreikusten dute.
Era berean, «kontratuen auzitegiak obren esleipena bertan behera utzi zuen arren», nafar Gobernuak enpresari «nahi duena egiteko alfonbra gorria» jarri diola salatu dute.
«Gure onuraren inguruan mintzo dira, baina ez digute hitz egiten utzi. Naturaren onuraren inguruan mintzo dira, baina lurra zulatu nahi dute. Etorkizunari buruz solastatzen dute, turismo basatiak sortutako egoera honetan, etxerik gabe gauden bitartean», salatu zuen Gazte Asanbladak aurreko batean egindako agerraldian.
Aroztegiako obrek sortutako egoera honen aitzinean antolatzera eta ondoko egunetan eginen diren ekintzetan parte hartzera deitu dute Baztango Gazte Asanbladak eta Aroztegia...eta gero zer? plataformak.
Desalojado el instituto de Martutene, el Ayuntamiento solo realoja a la mitad en La Sirena
Solicitan inhabilitación y prisión para los policías acusados de agredir a un menor en Gasteiz
Euskal Herriko Osborneren azken zezena lurrera bota du Ernaik
Ertzainas del ‘caso Zabarte’ dicen que los proyectiles prohibidos «se les cayeron de una bolsa»
