Ibai Aginaga Berangoko bizilaguna aske gelditu da gaur igandean, Auzitegi Nazionalak ezarritako zigorra amaieraraino beterik.
Kartzelaldi honetan 18 urte eta erdi egin ditu preso. Berriozarren atxilotu zuten, 2003. urtean, Polizia espainolak eginiko sarekada batean, ETAko «Nafarroa komando»ko kidea izatea egotzita. Aurretik jadanik kale borrokari lotutako akusazioengatik atxilotua eta espetxeratua izan zen Aginaga, eta guztia kontuan harturik 21 urte baino gehiago egin ditu kartzelan.
Gatibualdi honen denbora gehiena etxetik mila kilometrotara eman behar izan du: Cadizeko Puerto de Santa Marian hain zuzen ere. Hortik Kantabriako Duesora lekualdatu zuten Andaluziako espetxeak husteko prozesuan, eta hemendik Basaurira ekarri dute azkenik. Honetan eman du azken urte erdia eta bertatik atera da.
EPPKko kide izan zen Aginaga baina duela zenbait urte Kolektiboa uzteko erabakia hartu zuen.
Tortura jasan eta ozen salatu zuen Susana Atxaerandio gasteiztarra zendu da
Esteban se arrepiente de haber ridiculizado el caso de Getxo pero el PNV sigue minimizándolo
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
