Lazaro Galarzaren euskal iheslari ohiaren errautsak Euskal Herrira itzuli dira ostegun honetan. Uztailaren 16an jakinarazi zuten 67 urteko oderiztarra hil zela, Mexikon garraio lanetan zebilela, zama gainera etorri ondoren.
Sortu eta Etxerateko ordezkariak hurbildu dira Noaingo aireportura, senideei beren babesa eta doluminak agertzera.
Euskal Herrian jaso ditugu Lazaro Galarza euskal iheslari politiko ohiaren errautsak, bere senide eta borroka kideekin batera.
— Haimar Altuna Ijurko (@HaimarAltuna) August 4, 2022
Besarkada maitakor bat etxeko guztiei.
Agur eta ohore lagun, lortuko diagu !!!
🌹✊✊ pic.twitter.com/sn9LknCkd0
Euskal Herrira behin betiko itzultzekotan zen Larraungo bailarako Oderitz herriko semea. Izan ere, pasa den apirilaren 16an jada Euskal Herria itzuli zen Galarza, Iruñera hain zuzen ere, bere aurkako auzibide guztiak gaindituta zeudela egiaztatu ondoren, beste dozenaka iheslarik egin duten bezala.
Bisita horren ostean Mexikora itzuli zen, bertan denbora puxka bat emateko baina berriz ere bere jaioterrira etortzeko asmoz. Istripu horren erruz ezin izan du helburua lortu.
1994. urtetik Mexikon egon da Lazaro Galarza, espainiar auzitegien jazarpenari izkin eginez. Bi seme mexikar utzi ditu han HBko zinegotzi oihak.
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
