Errusiak Ukraina inbaditu zuenetik urtebete pasa denean eta «hasiera-hasieratik inbasio hori erabat arbuiatu» zuela gogoratu ondoren «gerra gelditzeko tresna diplomazia eta elkarrizketa» direla nabarmendu EH Bilduren senatari Gorka Elejabarrietak.
«Herrialdeak inbaditzea eta herriak okupatzea, arazoak areagotzea baino ez du ekartzen, konpontzetik urrun. Hasieratik adierazi genuen gure herria, Gernikako herria, beste hainbatek bezala, gerraren eta okupazioaren logika gaizto eta krudela bertatik bertara ezagutu duen herria dela», adierazi du Elejabarrietak.
«Horregatik guztiagatik, Euskal Herriak gerraren aurkako kontzientzia sakona izan du beti, eta NATOn sartzea errefusatu zuen Espainiako Estatuan egin zen erreferendumean», gogoratu du.
«Inork ez du irabazten armak bidaltzearekin»
«EH Bilduk hasieratik azpimarratu zuen hausnarketa horrek gaur egun inoiz baino indar handiagoa duela: armak bidaltzeak, ezinbestean, gizateriaren etorkizunerako aurreikusi ezin diren ondorioak ekarriko lituzkeela. Inork ez du irabazten eta denok galtzen dugu potentzia nuklearren arteko gerrara eraman gaitzakeen igoera batean», nabarmendu du Elejabarrietak.
«Gure ustez, ez dago irtenbide militarrik gatazka honentzat, eta nazioarteko komunitateak diplomaziaren eta negoziazioaren aldeko apustua egin behar du. EH Bilduk norabide horretan planteatzen diren ekimen guztiak bultzatzea erabaki du, eta hortik aldentzen gaituzten ekimen guztien aurka egingo du», azpimarratu du EH Bilduren senatariak.
«Diplomazia eta elkarrizketa zintzoa dira tresna eraginkor eta arrazional bakarrak gerra gelditzeko, elkar ulertzeko agertokiak gaitzeko eta herrien elkartasuna eta subiranotasuna defendatzeko», aldarrikatu du.
«Ahaztuegi dauden herritar zibilei, inoiz deklaratu ez duten, erabaki ez duten eta inoiz hasi behar ez zen gerraren ondorioak pairatzen dituztenei», gaineratu du EH Bilduk.
Elkarrizketa eta akordioa dira bakea ekarriko duten tresna bakarrak.
— EH Bildu (@ehbildu) February 24, 2023
▶️ @g_elejabarrieta EH Bilduko Nazioarteko Harreman eta Politikako Zuzendariaren hausnarketa Ukrainako inbasioaren lehen urteurrenean. pic.twitter.com/oMfAs2COg7
China presenta un «plan de paz» pidiendo un cese al fuego y el fin de las sanciones a Rusia
Cómo justifica Rusia tamaño desastre bélico en Europa
La ONU aprueba otra resolución de condena contra Rusia en el aniversario de la guerra
Mutaciones y cambios provocados por la guerra económica
La plataforma Gerrari Ez denuncia la escalada del conflicto en Ucrania y el militarismo
Urkullu expresa el respaldo de Lakua a la postura de la UE sobre el conflicto de Ucrania
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
