Irailaren 11ean ospatzen da Olarizu Eguna, eta astelehen honetan ere hala egin dute Gasteiz ingurukoek. Udalerria mugatzen duten mugarrietan zeharreko ibilbidea egin dute Udalbatza osatzen duten zinegotziek, 38 mugarri zeharkatu dituzte guztira ia 10 kilometroko ibilbidean.
Goizeko 9.00etan hasi du Gasteizko Udalbatzak ibilaldia hiriburuko Plaza Berritik, bost mendeko baino gehiagoko historia du ohitura horrek, eta aurten ere ez dute hutsik egin udal ordezkariek. 38 mugarri igaro dituzte, besteak beste Lubiano, Jungitu, Matauko, Argomaniz eta Andolluko herrietan barna. Udalak helarazitako ohar batean zehaztu du «normaltasunez» igaro dela ibilaldia eta giro onean egin duela aurrera egunak.
Olarizuko Zelaietan egin dute bazkaria, Gasteizko zinegotziak kontzejuetako ordezkariekin elkartu dira bazkaldu eta jai-giroaz gozatzeko. Baina Zelaietara hurbildutako herritar guztientzat egon da zabalik babarrun-jatea, Boilarrek antolaturik.
Arratsaldean, haurrentzako jolasak, musika, dantza eta herri-kirolak izan dira Zelaietan bertan. Erromeriaren amaiera 20.00etarako dago aurreikusita, eta Gasteizko Plaza Berrian amaituko da festa, udal banda eta txikienentzako suzko zezenarekin.
El portavoz del PNV en Getxo ocultó que estaba en el proyecto de lujo que derribó el palacete
«Gure izatearen ezaugarriak elikatu beharra dago, hainbeste bisitari jasotzen ditugunean»
Un hombre mata a Yaneli Gonzales, una mujer de 31 años, en el barrio bilbaino de Santutxu
El Ararteko toma cartas en Alde Zaharra ante la «inhibición» del Ayuntamiento de Donostia
