Koldobika Jauregi eskultorea joan den ekainean hil zen, 64 urte zituela, bihotzekoak jota. Sortzez Alkizakoa, Euskal Herrian eta nazioartean sona handiko artista zen; gizon maitatua ere, zalantzarik gabe.
Berak utzitako hutsunea handia da gure kulturan, eta baita bere sorterrian ere. Alkizako Udalak, herriko hainbat eragilerekin eta Jauregik berak sortu zuen Ur Mara museoarekin batera, hainbat ekitaldi antolatu ditu bere omenez urriaren hasiera honetan.
Larunbat eguerdian izan da ekitaldi nagusia, herriko plazan egin den performance handi baten bidez. Omenaldia xumea eta goxoa izan da; musika, arte plastikoa eta natura uztartuta. Kulturgileak, artistaren lagunak eta herritarrak gerturatu dira Gipuzkoako herri honetara.
«Haizeak bere oroimena zirimolatu du Alkizara bildutakoentzat. Bizitza xamurtasunez zizelkatzen jakin zuen eskultorea», idatzi du sare sozialetan Joxemari Carrere ipuin kontalariak eta NAIZeko kolaboratzaileak.
Ekitaldiaren ondoren, bazkari herritarra egin dute, bizitza bera ospatzeko.
Irailaren hasieran, Euskahaldunak eskultoreen elkarteko kideak deituta, hogeita hamar artista inguruk hartu zuten parte eskaini zitzaion omenaldian, basoan obra bat jarriz.
EEUU e Israel atacan a Irán y dan por muerto a Ali Jamenei
Sarandon se interesa por los presos vascos antes de los Goya: «Estaban en cárceles muy lejanas»
Condenan a dos años por golpear a su mujer al coronel responsable del polígono de Bardenas
Irán confirma la muerte de su líder supremo, Ali Jamenei, mientras siguen los bombardeos
