Bilboko erdialdeko zuhaitz batzuek 170 urte baino gehiago dituzte, eta lehorteak, uholdeak eta hirigintza lanak jasan dituzte. Estatu espainoleko hainbat hiritako zuhaitzen kalteberatasuna aztertzen ari diren ikertzaile batzuek nabarmendu dute hau, «apartekoa» delakoan.

Bilboko Udalak jakinarazi duenez, MICIUk eta Estatuko Ikerketa Agentziak finantzatutako ‘Resiste’ proeiektuko ikertzaileak harrituta geratu dira Bizkaiko hiriburuko erdiguneko platano arrunt batzuen ehun urteko adinak deskubritzen hasi zirenean.

Areatzako alboak 130 urte eta 40 metroko altuerakoak dira eta Casilda Iturrizar parkekoak 120 urtetik gorakoak, baina Done Bikendi plazan eta Albia lorategian 170 urtetik gorako zuhaitzak daude.

Proiektu honek hiriko zuhaitzek klima-aldaketaren aurrean duten kalteberatasuna eta hiri-inguruneek haiengan duten eragina aztertzen ditu. Bilbon, Valladolideko Unibertsitateko Soriako Campuseko ikertzaile batzuek espezie nagusien hazkundea eta adina ebaluatu zituzten, hala nola platano arrunta, zedroak, indi gaztainondoak edo altzifrediak.

«Indentifikatutako zuhaitzetako batzuek 150 urte baino gehiago dituzte, eta adin hori apartekoa da hiri baten erdigunean dauden aleentzat. Ondare natural hau baliotsua da Bilborentzat», dio Gabriel Sangüesa Barredak, Bilbon izan diren ikertzaileetako batek.

Zuhaitzik zaharrenak XIX. mendearen hasieran landatu zen, parkeen birmoldaketa egin zenean, eta hondamendi klimatikoetatik bizirik ateratzea lortu dute, hala nola 1983ko uholdeetatik edo 1989-1990eko lehortetik. Horrekin batera, hirigintzak izandako esku-hartzea gainditu dute, hala nola Areatzako lurpeko aparkalekuaren eraikuntza.

«Historiaren lekuko»

«Zuhaitz hauek Bilboko historiaren lekuko dira, literalki, bertako egurraren konposizio kimikoak Labe Garaien gorakada eta gainbehera islatzen du. Ematen duten informazioa oso garrantzitsua da hiriaren eraldaketa ulertzeko», dio Jose Miguel Olano bilbotarrak, Soriako UVako irakasleaz gain.

Proiektuak Bilbo, Madril, Soria, Kordoba, Jaen eta Aviles hiriak aztertu ditu, hiri handien eta ertainen arteko desberdintasunak ikusteko. Alboa guztietan aztertu dute naturan ez delako existitzen, munduan erabat urrun dauden lekuetan bizi diren bi espezien arteko hibridoa da eta.

«Oso posible da lorategi historiko batzuetan horien bezain zaharrak edo zaharragoak diren zuhaitzak egotea, baina Bilbon harrigarriena da hirigunean bertan daudela. Bilbotarrek zuhaitz hauekiko duten estimuaz asko esaten du», dio Jaime Madrigal Palentziako campuseko ikertzaileak. Proiektu honekin datuak biltzen jarraitzen dute eta datozen hilabeteetan azken emaitzak lortzea espero dute.