Laura Piani zuzendariaren lehen film luze honek Agatheren istorioa kontatzen du, amodioaren eta errealizazio pertsonalaren bila dabilen liburu-saltzaile ezkongabea.

Jane Austenen bizitzan inspiratutako fikziozko idazleen erresidentzia batean eta Parisko Shakespeare & Co liburu-dendaren benetako markoan girotua dago filma eta klasiko literario handiekiko eta komedia erromantiko modernoekiko maitasun gutun gisa aurkeztu dute.

Laura Pianik azaldu duenez, «zinema ikasten ari nintzela, Shakespeare & Co dendan liburu-saltzaile gisa aritu nintzen lanean. Liburu-denda oro antzerki bat dela esan daiteke, baina Shakespeare & Co beti izan da hori baino gehiago. Parisko Auzo Latinoaren bihotzean dagoen santutegi anglosaxoia da, leku paregabea, berrogeita hamarreko hamarkadatik ehunka poeta eta idazle hartu dituena. Nire babesleku bihurtu zen eta filmerako inspirazio iturri nagusia. Beti amestu izan dut neure komedia erromantikoa idaztea, literaturari eta poesiari buruzkoa».

Filma osatzeko erabili dituen erreferentziei dagokionez, honakoa aipatu du: «Zinemarekiko nire maitasuna ‘The Shop Around the Corner’ (Ernst Lubitsch, 1940) edo ‘The Apartment’ (Billy Wilder, 1960) bezalako komediekin hasi zen».