Paseari batek ezusteko desatsegina hartu zuen atzo Eibarko Santa Kurutz ermitaren ondoan ibiltzen ari zela. Gora begiratzean, ermitako kanpaia ez zegoela ikusi zuen.
Orain arte inor konturatu ez bada ere, baliteke kanpaia duela egun batzuk desagertu izana. Eta ez da lehena Eibarren, duela bi hilabete, lapur batzuek San Salbador ermitako kanpaia eraman baitzuten. Santa Kurutzeren kasuan ere, Eibarko herrigunetik kanpo dagoen ermita da; Mandiola Bailaran, hain zuzen ere, Arrateko Santutegitik gertu. Bigarren honetan, gainera, errazago iritsi daiteke errepidetik, lapurren lana erraztuko lukena.
Kanpaiaren desagerpenak atsekabe handia eragin du, batez ere inguruko baserritarren artean. Gorosta eta Mandiola landa-auzoek Santa Krutzeko jaiak ospatzen dituzte maiatzean. Eta ingurua ere oso preziatua da eibartarrentzat aisialdirako, sarbide errazekoa baita eta ermitaren ondoan iturri bat eta hainbat mahai baitaude.
Lateralidad, un tema desconocido pero crucial en el aprendizaje de las niñas y niños
El robo del año no ha tenido lugar en el Louvre, sino en Spotify
El Supremo confirma las condenas a Zulueta y Enparantza y reduce las de Zuriarrain y Sarriegi
EH Bildu volvería a ganar en Gipuzkoa y PNV y PSE necesitarían un apoyo para gobernar
