Txikientzako euskarazko abentura berria

ANIMALIEN EGUBERRI MAGIKOA
Estatu frantsesa, 2024. 72’. Zuzend eta gidoia: Camille Almeras, Caroline Attia Larivière, Ceylan Beyoglu, Haruna Kishi, Natalia Chernishova, Olesya Shchukina, Natalia Chernysheva. Musika: Pablo Pico. 

Etxeko txikiekin pantaila handian euskaraz gozatzeko aukera berria iritsiko da: ‘Animalien Eguberri Magikoa’.

Filmak bost istorio independente biltzen ditu, mundu osoan zehar bidaia harrigarriak bizi dituzten animaliak protagonista dituztenak: iparralde elurtutik hasi eta Japonia poetikoraino, baso sorginduetatik eta herri xarmangarrietatik pasatuz. 

Hainbat herrialdetako sei zinemagilek zuzendutako film honek adiskidetasuna, eskuzabaltasuna eta aniztasunarekiko errespetua ospatzen ditu, animazio-lan delikatu eta iradokitzaile baten bidez.