Paisaiak ez direla aldaezinak jabetzeko parada ematen du naturari so eginez itsasoari begira bizi diren jendeen potretak elkartzen dituen erakusketak. (Guillaume FAUVEAU)
Ohikoa dugun paisaiaren zaurgarritasunari buruz alerta pizten du erakusketak. (Guillaume FAUVEAU)
Naturak dagoeneko erakusten dituen zauriak agerian eman nahi izan ditu Fauveauk, geroari buruz arranguraz beteriko oharra utzita. (Guillaume FAUVEAU)
32 argazki izanen dira ikusgai La Rotonde aretoan. Donibane Lohizunen, Urruñako erlaitzan, Hendaian eta baita Tarnosen ere, kamerak harrapaturiko irudiak dira. (Guillaume FAUVEAU)
Negatiboak nahitara andeatuz, alterazio kimiko baten bidez, lurren eta ozeanoen berotzea oroitarazten duten tonu gorri eta laranjak azaleratu ditu fotokazetariak. (Guillaume FAUVEAU)
'Itsasoari begira' erakusketa
Euskal itsasbasterraren bilakaera orokorra soilik ez, itxuraldaketa sakon batek eragindako zauriak ere agerian uzteko parioa egin du Guillaume Fauveau fotokazetariak. 'Ce que la mer reprend – Itsasoari begira' izeneko bere erakusketa zabalik izanen da, Donibane Lohizunen, irailaren 11tik goiti.
2026 IRA. 09
