Zentzumen guztien gozamenerako besta da Sunbillako inauterietako desfilea. Bertakoentzat, egunik maiteena da, eta Malerrekako herri eder hau bisitatzen dutenentzat etxean bezala sentitzeko aukera bat. Non gehiago ematen dute bada iritsi orduko hezur salda beroa, talo, gazta, tortilla, gaztain eta ardoarekin batera? Ahoa, sabela, belarriak, begiak, gorputz eta arima dantzan jartzen dituzte inauteriek.