Herrian azkena antolatu zenetik 24 urte iragan diren honetan itzuli da pastorala Urdiñarbeko herrira. (Guillaume FAUVEAU)
Plaza bete zuen publikoak gogo handiz itxoiten zuen pastorala, uztailaren 27rako lehen emanaldiko 1.700 sartzeak salduak baitziren. (Guillaume FAUVEAU)
Izan dantzari, errejenta, kantari, idazle... parte hartzaile oro urdiñarbetarra da aurtengo antzezlanean. (Guillaume FAUVEAU)
Sibastarrak pastorala da Maritxu Negeloua herritar gazteak idatzi duen lehena. (Guillaume FAUVEAU)
Obrak Madalena de Jaureguiberry eta bere anai Jean de Sibasen bizitza du ardatz. (Guillaume FAUVEAU)
Anai-arrebek bi Mundu Gerla eta Espainiako Gerla Zibila bizi zituzten eta euskara zein euskal kulturaren alde lanean aritu ziren. (Guillaume FAUVEAU)
Prozesu osoa, bilkura eta mustrakak barne, euskaraz eraman dute, erdaldunentzat ulertzeko baliabideak eskainiz. (Guillaume FAUVEAU)
Hurrengo bi antzezpenak agorrilaren 4 eta 6an izanen dira. Lehenean 20:30ean eta bigarrenean 15:30ean abiatuko dira emanaldiak. (Guillaume FAUVEAU)
Urdiñarbeko pastorala
Sibastarrak pastoralaren lehen antzezpena izan da Urdiñarbeko plazan uztailaren 30ean.
2023 UZT. 31
