Amarauna sarea Bizkaian sortu zen, hain zuzen ere Urtxintxa eskolaren baitan, 2009an. Gero Euskal Herrian barrena hedatzen joan da, eta egun Araba eta Gipuzkoa ere hartzen ditu. Ipar Euskal Herrian ari den UdaLeku elkartearekin harreman zuzena du, eta orain Nafarroara zabaltzea du erronka. Aisialdi talde ezberdinek elkar ezagutzea eta elkarrekin lan egitea du helburu. NAIZ Amaraunako kide batzuekin izan da Arrasaten.