Urtea joan eta urtea etorri, arkeologoek Lezetxiki kobazulotik altxorrak ateratzen jarraitzen dute. Ez dira urrezko txanponak, harri zatiak eta hezurrak baizik, baina Euskal Herriaren historiaurrea ezagutzeko benetako harribitxiak dira. Aurtengo lanen berri eman digu Alvaro Arrizabalagak, Aranzadiko zientzia elkarteko kide eta indusketaren zuzendari denak.