Temps pour aujourd'hui

MOTEL, BEREZIKI AZKEN ORDUETAN. Goizean goizetik hasita, zeruan erdi eta goi mailako hodeien presentzia handia izango da eta han-hemenka euri zaparrada txikiren bat edo beste utziko dute. Ezer handirik ez, hala ere. Arratsaldeko lehen orduetan hodeiak trinkotzen joango dira mendebaldetik eta barnealdetik barrena eta azken orduetan euritarako joera handiagoa hartuko du, nahiz eta euri txiki modura botako duen. Haizea aldakor ibiliko da. Tenperaturek behera egingo dute.

Demain

Ilun hasiko da eguna: hodeiek zerua estalirik mantenduko dute eta euri giroa nagusituko da. Zaparradak gehienbat ipar isurian, baina ez dira oso indartsuak izango. Hegoaldean ere zertxobait bustiko du, baina oso euri gutxi. Arratsaldean hegoaldean atertu egingo du eta ipar isurian zaparradak gutxituko dira, egun amaieran ia erabat ateri geratuz. Ipar-ekialdeko haizea. Tenperaturak hoztu egingo dira, bereziki gauean.