La météo
Prévision de Joxe Landa (en basque)
Temps pour aujourd'hui

EKAITZETARAKO JOERA NABARMENDUKO DA  Goiz partean ateri eta goxo, ostarteetatik eguzkia keinuka dela. Arratsaldean hodeiak gizenduz, ekaitzak garatzeko joera nabarmenduko zaio batez ere barnealdean, baina kostaldea ere harrapatuko dute. Beraz, gaur trumoien zaratak entzunaz zaparrada baldarren bat tokatzeko peskizan izango gara arratsalde partean. Tenperaturan eta haizearen joeran ez dugu aldaketarik sumatuko, elementu horiek modu onean jarraituko baitute.

Demain

Euritarako joera pixka bat gehituko da, batez ere iluntze aldera zaparrada trumoitsuak barreiatuz. Kostaldea baino barnealdea askoz gehiago gaztigatuko dute, baina arratsaldean zaparrada horiek modu arinean bada ere zabaldu egin daitezke. Haizeak hego ukitua ibiliko du goizean, baina azkarrago aldatuko da ipar-ekialdera eta laino maskalak barreiatu ere egingo ditu agian. Goi geruzetako desorekaren ondorioz, ekaitzetarako joerak hor jarraituko du, barnealdea gaztigatuz.

Joxe Landa. (Gorka RUBIO / ARGAZKI PRESS)