Osagaiak 4 lagunentzat
2 lupia. Betegarria: 250 g tipula, 100 g azenario, 150 g kuiatxo, 100 g piper berde, 100 g piper gorri, 400 g zigala, olioa, gatza, piperbeltz zuria. Hornidura: 300 g patata, 50 ml ardo zuri, olioa, gatza, perrexila. Saltsa: tipula erdia, baratxuri ale bat, porru bat, olioa, gatza.

Zailtasuna                               3

Betegarria:
1. Txikitutako tipula olio pixka batekin erregosi, su eztitan.
2. Zerrendatan moztutako kuiatxoa, azenarioa eta piperrak gehitu eta arin erregosi.
3. Zigalak zuritu eta buruak kendu. Luzeran zabaldu eta barazkiekin nahastu.
Hornidura:
1. Patatak zuritu eta xerratan moztu. Urarekin 2 minutuz egosi eta xukatu.
2. Azpil batean patatak jarri. Gainetik ardo zuria, gatza eta olio pixka bat bota.
3. Labe beroan sartu, 180 gradutan, 15 minutuz gutxi gorabehera.
Saltsa:
1. Zerrendatan moztutako barazkiak olio pixka batekin erregosi.
2. Zigalen buruak gehitu eta arin erregosi.
3. Bi baso ur bota eta 15 minutuz egosi. Buruak zapaldu eta atera.
4. Irabiagailuarekin nahasi eta txanotik pasatu. Gatza bota.
Bukatzeko:
1. Lupiak garbitu eta xerrak atera. Gatza bota.
2. Lupiak betegarriarekin bete eta pataten gainean jarri.
3. Labean sartu, 200 gradutan, 10-15 minutuz.
Saltsarekin apaindu.