Josebak hiru argazki igorri dizkigu, Maria Camino Oscoz Urrizari eskainiak eta, harekin batera, «faxisten biolentzia pairatu zuten guztiei». Azaldu digunez, «nafar irakaslea, komunista eta askatasunaren aldeko borrokalaria» 1936ko abuztuaren 10ean hil zuten Francoren jarraitzaileek, Ubabako amildegitik –Pilatosen balkoia– botata. Argazkiak eremu horretan egin zituen 2009ko udazkenean. Maria Caminok bazekien askatasuna zer den. Hil zutenek ere bazekiten. Baina eurek ez zuten maite, eta odolez ito nahi izan zuten herriaren askatasun egarria.