Berezkoen Binakako Txapelketan lehen faseko azkeneko jardunaldiak jokatuko dira asteburuan. Gaur, Arrangoitzen, 19.00etan hasiko da jaialdia. Hasteko, Bigarren Mailakoak neurtuko dira, eta bertan Monze eta Amulet, Intxausperen eta Saldubeheren aurka neurtuko dira. Ondoren izango da maila nagusikoen txanda. Waltarik eta Ximun Lanbertek Larralderen eta Bilbaoren aurka jokatuko dute. Etzi, Garindainen, Laurent Lanbertek eta Harizmendik Bielle eta Ezkurra izango dituzte aurrez aurre. Jaialdia 16.00etan hasiko da, eta Bigarren Mailakoan, Goikoetxea eta Palomes Agirreren eta Lazkanoren aurka arituko dira.