PEN Internationaleko Idazle Jazarrien Batzordea (Writers in Prison Committee) bi urterik behingo bilera nagusia egiten ari da asteon Amsterdamen. Mundu osoko dozenaka idazle eta kazetarien artean da Euskal PEN, ordezkaritza bereziarekin. Teresa Toda kazetaria, “Egin”-eko zuzendariorde izateagatik sei urte espetxean eman dituena, bertan izateak ikusmin berezia piztu du eta “Frontline Report” bat egiteko eskatu diote: solasaldi bat bere esperientziatik abiatuz Euskal Herrian adierazpen askatasunak duen egoera azaltzeko eta gogoratzeko preso daudela oraindik egunkari bereko kide batzuk, horien artean, zuzendari izandako Jabier Salutregi.