Pasaiako Udalak “12 zm” erakusketa kolektiboaren 20. edizioa antolatu du. Urtero legez, eta erakusketa bitxi honen izenak adierazten duen bezala, bertan ikusgai jarri diren lanek ez dute 12 zentimetroko muga gainditzen (markoak barne). Dagoeneko lanak ikusgai daude Pasai San Pedroko Udal Aretoan eta bertan egongo dira urtarrilaren 17ra arte. Ostean, obra horiek Hendaian ikusi ahalko dira.

Erakusketan parte hartu duen Manuel Irigoienek Pasaiara gerturatzeko gonbita luzatu du: «Miniaturazko lanen kolore zein askotariko forma edergarriekin gozatzeko aukera izango duzue». Irigoienek akrilikoa eta harea uztartzen dituen bi lan aurkeztu ditu.