Basque Culinary Centerrek, Ikastolen Elkarteak eta Eroskik familiarteko sukaldaritza sustatuko dute Sukaldatu programarekin. 10 eta 14 urteko ikasleek taldeka ikasiko dute erosketak egiten, sasoiko eta tokiko produktuak ezagutzen eta janaria prestatzen.

15 ikastolatako 1.200 neska-mutikok eta gurasok hartuko dute parte. Proiektuaren abiapuntua honako gogoeta hau da: elkarrekin kozinatzea eta jatea funtsezkoak dira familian eta heziketan, baita elikadura osasungarria bultzatzeko ere.