CIJBen (Confederation Internationale du Jeu de Balle) modu ofizialean sartu ondoren, Euskal Selekzioa asteburu honetan estreinatuko da kantxa gainean. Valentziaren kontra izango da, joko zuzeneko selekzio indartsuenetarikoaren kontra. Bihar 12.00etan, Azkoitiko Jorge Oteiza frontoietan, llargues modalitatea izango da ikusgai lehenik, errebotearen antzekoa. Ordubetera, neskak one-wallean arituko dira: esku-pilota, baina ezker paretik eta txaparik gabe. 19.30ean, nazioarteko modalitatearen txanda helduko da, bote luzearen antzekoa. 20:30ean, Nafarroako pilotariek erakustaldia eskainiko dute pasakaz eta eskuz, bikote mistoak osatuz. Igandean, Oiartzunen, hiru jokoak izango dira berriro ikusgai, 11.30ean. Gaur, 19.30ean, bote luzeko erakustaldia, Amezketan.