Harri-zulatzaileen laugarren jardunaldia jokatuko da bihar, 19.00etan, Barakaldoko plazan. Aurreko jardunaldietan aritu diren sei taldeak arituko dira nor baino nor.

Piratak, Ereño, Aldai Alde, Errekatxo, Kabiezes eta Burdin Gazteak izango dira lanean arituko diren taldeak. Orain arteko saioetan Ereño nagusitu da, eta txapela gero eta gertuago dauka. Bihar ere lehen postua eskuratzen badu, tartea zabaldu egingo du. Orain arte beste guztien gainetik ari da agertzen.

Bigarren posturako ikusten da borroka handia eta postu horretan taldeak aldatu dira jokatu diren aurreko hiru jardunaldietan. Hori bai, txapela nahi badute, komeni zaie Ereño atzean uzten hastea, bestela ez dute aukerarik izango.