Ekintzaileen proiektuak bultzatzeko xedea duen Metxaren bigarren deialdia zabalik dago. Urriaren 31n bukatuko da hautagaitza aurkezteko epea. Lau proposamen aukeratuko dituzte, eta bakoitzak 200.000 euro eskuratu eta formazio eta babes programa oso bat jasotzeko aukera izanen du proiektua abian jartzeko. Deialdian parte hartzeko baldintzak 18 urte baino gehiago izatea eta enpresa proiektu bat edo 5 urtetik beherako antzinatasuna duen enpresa bat edukitzea dira. Edozein arlotakoa izan daiteke egitasmoa. Lehendabiziko deialdian 52 hautagaitza jaso zituzten, eta lau aukeratu: White Spell, Ship Net Premium, Dog Vivant eta Brite Shoes.