Xabier Amurizak jantziko dio txapela aurtengo Bizkaiko bertsolari txapeldunari. Larunbat iluntzean gertatuko da hori, Bizkaiko Bertsolari Txapelketako finalean. Finala 17.00etan hasiko da Bilbao Arenan.

Bizkaiko Bertsozale Elkarteko Talde Antolatzaileak hala erabakita izango du Amurizak aurtengo txapela jartzeko ardura. Bizkaiko Bertsozale Elkarteak Amurizak urteetan plazan zein isilean egindako beharra eskertu nahi izan ditu betekizun hori emanez. Aurten hartu du plazetatik erretiroa Amurizak, baina, berak aitortu duen moduan, «bestelakoetatik ez». Irabazleari txapela janzteko ohorea berea izango da, beraz.