Joan den urtean 61.275 bisitari izan zituen Baionako Euskal Museoak. 1924an sortu zenetik inoiz izandako kopururik handiena da, eta 2015eko datuekin alderatuta %30,5eko igoera izan du.

Gorakada horren arrazoi nagusietako bat “1660- Pirinioetako Bakearekin. Politika eta familia” erakusketa izan da, Donostia 2016ren “Bake ituna” proiektuko atala. Beste arrazoi bat Lapurdin udan izan den denboraldi turistiko ona izan da. Abenduan ere bisitarien kopuruak %20 egin du gora, aurreko urtearekin konparatuta.

Jarduerak

Urteko jardueren igoera ere lagungarria izan da marka gainditzeko. Museoak 83 ekimen antolatu zituen, 2015ean baino %40 gehiago.