Itsaso Gipuzkoako 89. udalerria izateko erabakiaren kontra egin du Gobernu espainolak bertako biztanleek irailean egindako herri galdeketan plazaraturiko iritzia kontuan izan gabe. Gipuzkoako Aldundiak ere itsasoarren erabakiarekin bat egin zuen.

Udalerri independente izateko Itsasok ez duela ezarritako gutxieneko 5.000 biztanleko muga gainditzen argudiatu du Gobernu espainolak. 165 biztanle baino ez ditu Itsasok. 1962an, frankismo garaian, lotu zuten Itsaso Ezkiorekin, udalerri bakarra sortzeko. Erabaki hori antidemokratikotzat jo izan da, garai hartako bi herrietako biztanleen iritzia kontuan izan gabe hartu zelako.