2017ko Bertsolari Txapelketa Nagusiak emandakoa liburu eta CD batean bildu du Bertsozale Elkarteak. 14 saioetako kronikak, hautatutako bertso transkribatuak eta adituen analisiak biltzen ditu 492 orrialdeko aleak. CDan hautatutako bertsoaldi guztien audioak bildu dira. Lanku.eus atarian eta Bertsozale Elkartearen egoitzan (Amasa-Villabona) eskura daitezke 30 euroan (25 bazkideentzat).