Cussac Fort Medoc-en (Bordeleko barrutia, Frantzia) hazi eta hezi zen profesionalki Jean Pineau, gerora Errioxako ardo modernoaren sustatzaile izan zena, eta herri harekin senidetuko da Eltziego. Bi udalerriak ardoaren tradizioak eta Pineauren figurak batzen ditu, Araban bizi izan baitzen eta Marques de Riscal bodegan egin baitzuen lan. Aldundiak kontratatu zuen 1862an, sektoreak une zaila bizi zuenean, Arabako Errioxako ardoa berritzea helburutzat jarrita. Senidetze ekitaldia ostiralean egingo dute Eltziegoko udaletxean. «Harremanak sendotzea da ekimenaren xedea», azaldu du Luis Aldazabal alkateak.