Urtea eta Zirkuitua amaitzen ari den heinean, puntuek gero eta garrantzi handiagoa dute eta urduritasun eta tentsio hori nabaritu ziren Durangon jokatutako jardunaldian. Mutrikuko finalerdien aurretik jokatu beharreko azken-aurreko jardunaldia izan zen Ezkurdin jokatutakoa, eta bertan Ziortza Landa-Izaro Arbe, Ortiz de Mendibil-Lizardi eta Ortiz de Mendibil-Calvok garaipen garrantzitsuak eskuratu zituzten, hirurak ere 2-0eko emaitzekin.

Nesketan bezalaxe, mutilen zirkuitua ere amaiera aldera gerturatzen ari da eta Zumaian izan zuten azken jardunaldia. Ugarein Xistera Torneoko kanporaketak kiniela erara jokatu ziren eta bereziki ikusgarria suertatu zen gazte mailakoa, azken unera arte lau bikotek izan baitzuten nagusitzeko aukera. Amaieran Etchegaray eta Segurola izan ziren onenak eta Agirre-Olasagasti sailkatu ziren bigarren postuan. Maila nagusian, Goixerri-Elkorobarrutia hasieratik erraz nagusitu ziren.