Txinak, duela 60 urte Maok hasitako espazioaren konkistan –eta orain Marteri begira dagoena–, beste pauso bat eman du. Ilargira jaurti zuen, atzo, hango arroken laginak biltzeaz arduratuko den Chang 'e 5 zunda. Europa, AEB eta Errusiaren mailara heltzeko asmoz, milaka milioi dolar inbertitzen ari da bere espazio-programan. Asmo handiko hiru proiektu ditu: 2021ean urrunetik gidatutako robot bat Marten jartzea, hemendik 2022ra espazio-estazio handi bat eraikitzea eta 2030erako txinatarrak Ilargira bidali ahal izatea.

Argazkia: STR | AFP