Memoria Demokratikoaren Legearen erreformak debekatu egiten du 1936ko estatu-kolpearen arduradun nagusien gorpuzkiak publikoari irekiak diren leku esanguratsuetan egotea. Espainiar Gobernuak, legean oinarrituta, Sevillako Macarenaren basilikako kofradiari Gonzalo Queipo de Llano bertatik ateratzeko eskaera egin zion eta atzo atera zituzten 45.000 fusilamenduren arduraduna izan zen militarraren gorpuzkiak. Frankismoaren biktimek gehiegi itxaron behar izan dute sarraski frankistaren arduradunei ohoreak kentzen hasteko.