Jardunean dagoen Londresko Poliziako agente batek onartu du 12 emakumeren kontrako 49 sexu abusuren erantzulea dela, tartean, 24 bortxaketarena. Metropolitar Poliziako komisario batek biktimei barkamena eskatu die eta iragarri du azken 10 urteotan izan diren eta 1.071 agente inplikatzen dituzten 1.633 sexu-delitu eta genero-indarkeria kasu berraztertuko dituztela. Polizia izate hutsak herritarrekiko botere posizioa ematen duen heinean, agenteen abusuak eragozteko, euren gaineko jarraipen neurri zorrotzak behar dira.