Azken hamarkadotan frantziar eta espainiar espetxeek milaka euskal militante preso eduki dituzte. Pertsonen oinarrizko duintasunaren kontra jotzen duten zigor esparruak dira, emakume presoei modu berezian eragiten diena. Horixe salatu zuten atzo Sarek eta Bilgune Feministak Iruñeko Udaletxe plazan egindako kontzentrazioan, emakumeek gizonentzat pentsatutako kartzeletan «zigor penala, pertsonala eta soziala» jasaten dutela. 26 dira Euskal Preso Politikoen Kolektiboko emakumeak. Horietatik lau Euskal Herritik kanpoko espetxeetan daude.