Berria ez izanagatik, ez du gutxiago izutzen. Yamuna Indiako iparraldeko ibai luze bat da (1.300 kilometrotik gora) eta Ganges ibai sakratuan du amaiera (bere ibaiadar nagusia da eta, Ganges bera bezala, herritarrek gurtu egiten dute). Alabaina, ezagun da beste kontu batengatik ere: kutsadura arazo larriak ditu aspalditik, inguruko hiri handiak bere hustubide nagusitzat erabiltzen hasi zirenetik. Egunotan, eta ez da lehen aldia azken urteetan, apar toxiko batek erabat estalita dauka ibaia toki askotan. Eta hala ere, gurtzera edota bainatzera joaten denik bada.

Sajjad HUSSAIN | AFP