1985ean desagertu zen Frantzisko Xabierkoaren estatuaren burua Hiru Erregeen Mahaiko gailurretik. Ez dago argi zergatik kendu zioten burua santuari: bandalismo ekintza izan ote zen edo bildumagile batek eraman ote zuen. Bada, Euskal-Nafar Mendizale Federazioa bere mendeurrena betetzear dagoela (2024an), Frantzisko Xabierkoaren burua agertu egin da: Emmoa fundazioak jaso du, norbaitek era anonimoan bidali ostean. «Pakete bat jaso dugu; ireki eta santu baten burua zen», azaldu du fundazioko presidente Txomin Uriartek.