Argazkian ikusten den horma irudiak “San Sebastiano” izena du eta Andrea Ravo Mattoni artista italiarraren lan bat da. Gezurra badirudi ere, museo batean dago: Camo-ko Museo A Cielo Aperto izenekoan, Piamonten, Italiako ipar-mendebaldean. Duela hamar urte zabaldu zuen -halakorik esaterik baldin badago- Claudio Lorenzonik, artistaren eta lurraldearen arteko «sinbiosia» bilatuz. Geroztik, 400dik gora artistek beren lanak ikusgai jarri dituzte herri txiki honetako kale, soro eta mahastietan. Doakoa da eta egunero bisita liteke.